அஜித் தற்போது விநோத் குமார் இயக்கத்தில் தனது 60 படமாகிய வலிமை படத்தில் நடித்து வருகின்றார். இப் படப்பிடிப்பு இறுதிக்கட்டத்தை அடைந்துள்ளது.
இந்த நிலையில் 61 படத்தை யார் இயக்கவுள்ளார் என்ற தகவல் தற்போது வெளியாகியுள்ளது.
தளபதி விஜய் நடித்த தலைவா படத்தை இயக்கிய ஏ.எல்.விஜய் தான் தல படத்தை இயக்கவுள்ளதாக தெரிவிக்கப்பட்டுள்ளது.
அண்மையில் அஜித்தை சந்தித்த ஏ.எல்.விஜய் அவருக்கு கதையை கூறியுள்ளாராம். அந்தக் கதை அஜித்துக்கு மிகவும் பிடித்திருந்ததாம். எனவே இவர்கள் இருவரும் கூட்டணி சேர வாய்ப்புள்ளதாக கூறப்படுகிறது.
இயக்குநர் ஏ.எல்.விஜய் ஏற்கனவே கடந்த 2007ஆம் ஆண்டு வெளியான அஜித்தின் கிரீடம் படத்தை இயக்கி இருந்தார் என்பது குறிப்பிடத்தக்கது.
