சர்­வ­தேச மகளிர் தினம் எவ்வாறு தோற்றம் பெற்றது

இன்று மார்ச் 8 ஆம் திகதி சர்­வ­தேச மகளிர் தினம் உல­கெங்கும் அனுஷ்­டிக்­கப்­ப­ட­வுள்­ளது. 1911 ஆம்      ஆண்­டி­லி­ருந்து சர்­வ­தேச மகளிர் தினம் அனுஷ்­டிக்­கப்­பட்டு வரு­கி­றது.

1789ம் ஆண்டில் பிரஞ்சுப் புரட்­சியின் போது பெண்­களும் போராட்டக் களத்தில் இறங்­கினர். சமத்­துவ      உரி­மைகள் வேண்டும், வேலைக்கு ஏற்ற ஊதியம், பெண்­க­ளுக்கு வாக்­கு­ரிமை, பெண்களை அடி­மை­க­ளாக நடத்தக் கூடாது என வலி­யு­றுத்திப் போரா­டினர்.

அதை அடக்க நினைத்த மன்னன் 16 ஆம் லூயி போராட்­டத்தின் வேகத்துக்கு ஈடு­கொ­டுக்க முடி­யாமல் தோல்­வி­யுற்றான். 1792 இல் பிரான்ஸ் குடி­ய­ர­சாக பிர­க­ட­னப்­ப­டுத்­தப்­பட்­டது. பதி­னாறாம் லூயியும் அவனின் மனைவி மரீ அண்­டோ­னெட்டும் மரண தண்­டனை விதிக்­கப்­பட்டு கில்­லட்டின் தலை­வெட்டு எந்­தி­ரம்­மூலம் கொல்­லப்­பட்­டனர்.

இப்­போ­ராட்­டத்தின் வெற்றி ஐரோப்பா முழுக்க பெண்கள் போராட்டம் நடத்த உத்­வேகம் ஊட்­டி­யது.       ஜேர்­மனி, ஆஸ்­தி­ரியா, டென்மார்க் ஆகிய நாடு­களை சேர்ந்த பெண்­களின் தொடர் போராட்­டங்­களைக் கண்டு அர­சுகள் ஆடிப்­போ­யின. இத்­தா­லிய பெண்கள், வாக்­கு­ரிமை கேட்டு போரா­டினர்.

பிரான்ஸில் பிரஷ்­யனில் இரண்­டா­வது குடி­ய­ரசை நிறு­விய லூயிஸ் பிளாங் பெண்­களை அர­சவை ஆலோ­சனை குழுக்­களில் சேர்க்­கவும் பெண்­க­ளுக்கு வாக்­கு­ரிமை அளிக்­கவும் ஒப்­புக்­கொண்ட அந்த நாள் 1848 மார்ச் 8.பெண்­களின் போராட்டம் அமெ­ரிக்­கா­விலும் நடை­பெற்­றது. 1908ஆம் ஆண்டு வாக்­கு­ரிமை கேட்டு பெண்கள் பாரிய ஆர்ப்­பாட்ட பேர­ணியை நடத்­தினர். 1909 பெப்­ர­வரி 28 ஆம் திகதி நியூ­யோர்கில் அனைத்­துலக உழைக்கும் மகளிர் தினம் அனுஷ்­டிக்­கப்­பட்­டது.

1910ஆம், ஆண்டு டென்மார்க் தலை­நகர் கொப்­பன்­ஹே­கனில் அனைத்­து­லக பெண்கள் மாநாடு           நடை­பெற்­றது. இதில் கலந்­து­கொண்ட ஜேர்­மனி சமூக ஜன­நா­யகக் கட்­சியின் தலை­வி­யான லூயிஸ் ஸியெட்ஸ், ஒவ்­வொரு வரு­டமும் மகளிர் தினம் உலகம் முழு­வதும் ஒரே தினத்தில் அனு­ச­ரிக்­கப்­பட வேண்டும், அதில் பெண்கள் தங்கள் உரி­மைக்­காக குரல் கொடுக்க வேண்டும் என்ற யோச­னையை     முன்­வைத்தார்.

இந்த யோச­னையை ஜேர்மன் சமூக ஜன­நா­யகக் கட்­சியின் செயற்­பாட்­டாளர் கிளாரா ஸெட்கின்           வழி­மொ­ழிந்தார். அத்­துடன் இந்த மாநாட்டில் கலந்­து­கொண்ட 17 நாடு­களைச் சேர்ந்த சுமார் 100          பெண்­களும் ஏக­ம­ன­தாக இந்த யோச­னையை வர­வேற்­றனர்.

பின்னர் சர்­வ­தேச மாதர் அமைப்பு உரு­வா­னது. இந்த அமைப்பின் சார்­பாக 1911ம் ஆண்டு மார்ச் 19ம் திகதி முல் தட­வை­யாக சர்­வ­தேச மகளிர் தினம் அனுஷ்­டிக்­கப்­பட்­டது. டென்மார்க் ஆஸ்­தி­ரியா ஜேர்­மனி இன்னும் சில ஐரோப்­பிய நாடு­களின் பெண் பிர­தி­நி­திகள் முத­லா­வது சர்­வ­தேச மகளிர் தினத்தைக் கொண்­டா­டினர்.

இந்த கொண்­டாட்­டத்தின் போதுதான் மார்ச் 8 ஆம் திக­தியை சர்­வ­தேச மகளிர் தின­மாக கொண்­டாட வேண்­டு­மென தீர்­மா­னிக்­கப்­பட்­டது. 1913 ஆம் வருடம் முதல், மார்ச் 8 சர்­வ­தேச மகளிர் ஆண்­டாக உலகம் முழு­வதும் அனு­ச­ரிக்­கப்­பட்டு வரு­கி­றது.

2030 ஆம் ஆண்டில் அனைத்து சிறு­மிகள், சிறார்­களும் இல­வ­ச­மாக சமத்துவ, தர­மான ஆரம்பக் கல்­வியை பூர்த்தி செய்­வதை உறு­திப்­ப­டுத்த வேண்டும். அனைத்து சிறுவர் சிறு­மி­யரும் சமத்­து­வ­மான ஆரம்பப் பிள்ளைப் பருவ அபி­வி­ருத்தி நிலை­களை அடை­வதை உறு­திப்­ப­டுத்த வேண்டும். பெண்கள் மற்றும்      சிறு­மிகள் மீதான அனைத்து வித பாகு­பா­டு­களும் ஒழிக்­கப்­பட வேண்டும் என்­ப­னவும் நிலை­யான        அபி­வி­ருத்தி இலக்­கு­க­ளுக்­கான ஐ.நாவின் நிகழ்ச்­சி­நி­ரல்­களில் அடங்­கி­யுள்­ளமை குறிப்­பி­டத்­தக்­கது.

1977 ஆம் ஆண்டு ஐ.நா. பொதுச் சபை­யா­னது மார்ச் 8ம் திக­தியை பெண்கள் உரி­மைக்கும் உலக             சமா­தா­னத்­துக்­கு­மான ஐ.நா தின­மாக அனுஷ்­டிக்­கு­மாறு தனது அங்­கத்­துவ நாடு­க­ளுக்கு அழைப்பு     விடுத்­தது.

2021 ஆம் ஆண்டின் சர்வதேச மகளிர் தினத்துக்கான ஐக்கிய நாடுகளின் தொனிப்பொருள், ‘தலைமைத்துவத்தில் பெண்கள்: கொவிட்19 உலகொன்றில் சமத்துவமான எதிர்காலத்தை அடைதல்’ (“Women in leadership: Achieving an equal future in a COVID-19 world”)) என்பதாகும்.

இத்தொனிப்பொருளானது, சமத்துவமான எதிர்காலத்தை உருவாக்குவதிலும், கொவிட்19 பெருந்தொற்றிலிருந்து மீள்வதிலும் உலகெங்குமுள்ள பெண்களும் சிறுமிகளும் ஆற்றிய அளப்பரிய முயற்சிகளை கொண்டாடுவதுடன், பாலின சமத்துவத்தில் நீடிக்கும் இடைவெளியை சுட்டிக்காட்டுகிறது.

சகல துறைகளிலும் பெண்களின் வினைத்திறனான பங்குபற்றலும் தலைமைத்துவமும் அனைவருக்கும் நன்;மையளிகிறது. எனினும், ஐ.நா. செயலாளர் நாயகம் அன்டோனியோ குட்டேரெஸ் அண்மையில் விடுத்த அறிக்கையொன்றின்படி, பெத வாழ்ககையிலும் தீர்மானங்களை மேற்கொள்ளலிலும் பெண்கள் குறைந்தளவிலேயே பிரதிநிதித்துவப்படுத்தப்படுகின்றனர்.

உலகில் 22 நாடுகளில் அரச அல்லது அரசாங்கத் தலைவர்களாக பெண்கள் உள்ளனர். நாடாளுமன்ற உறுப்பினர்களிpல்  24.9 சதவீதமானோராகவே பெண்கள் உள்ளனர். இந்த வேகத்தில் சென்றால் அரசாங்கத் தலைவர்களில் பாலின சமத்துவத்தை அடைவதற்கு இன்னும் 130 ஆண்டுகள் செல்லும் எனத் தெரிவிக்கப்பட்டுள்ளது.

பாலின சமத்துவம் மற்றும் பெண்கள் வலுவூட்டலுக்கான ஐநா நிறுவனத்தின் (UN Women) நிறைவேற்றுப் பணிப்பாளர்  பும்ஸில் ம்லாம்போ என்குகா விடுத்துள்ள அறிக்கையில், ‘தமது அனைத்து பல்லினத்தன்மைகள், திறன்கள், கலாசாரங்கள், சமூகம் பொருளாதாரம், அரசியல் நிலைமைகளை பிரதிபலிக்கும் பெண்கள் மற்றும் சிறுமிகளை பிரதிபலிக்கும் பெண்கள் எமக்குத் தேவை. எம் அனைவருக்கும் நன்மையளிக்கும் தீர்மானங்களை மேற்கொள்வதில் பெண்களை இணைப்பதில் உண்மையான சமூக சவால்களை எதிர்கொள்வதற்கான ஒரே வழி இது’ எனத் தெரிவித்துள்ளார்.

2021 சர்வதேச மகளிர் தினத்தையொட்டி எனும் , #IWD2021,  #ChooseToChallenge, #IWD2021, #GenerationEquality   ஹேஷ்டெக்குகள் சகிதம் பிரச்சார நடவடிக்கைகள் மேற்கொள்ளப்படுகின்றன. சமத்துவமின்மையை எதிர்ப்பதில் பலரும் தமது அர்ப்பணிப்பை வெளிப்படுத்துவதற்காக ஒரு கையை உயர்த்தி போஸ்கொடுத்து புகைப்படங்களை வெளியிட்டு வருகின்றனர்.