தென் அமெரிக்காவின் வடமேற்கு முனையில் அமைந்துள்ள ஈக்வடாரில் ஒரு சிறையில் கும்பல்களுக்கு இடையே நடந்த சண்டையில் குறைந்தது 116 பேர் கொல்லப்பட்டனர் மற்றும் 80 பேர் காயமடைந்தனர்.
கடலோர நகரமான குயாகுவிலில் உள்ள லிட்டரல் சிறைச்சாலையில் செவ்வாய்க்கிழமை நடந்த வன்முறை, அந்த இடத்தின் கட்டுப்பாட்டிற்காக போராடும் சர்வதேச போதைப்பொருள் வியாபாரிகளுடன் தொடர்புடைய கும்பல்களால் ஏற்பட்டதாக அதிகாரிகள் தெரிவித்துள்ளனர்.
ஈக்வடாரின் சிறை அமைப்பில் இதுவரை கண்டிராத மிக மோசமான வன்முறை இது என்று அவர்கள் கூறினர், இறந்தவர்களில் குறைந்தது ஐந்து பேரின் தலை துண்டிக்கப்பட்டது கண்டுபிடிக்கப்பட்டது.
சிறைச்சாலையைக் கட்டுப்பாட்டில் கொண்டுவர ஒழுங்கை நிலைநாட்ட 400 பொலிஸ் அதிகாரிகளை அனுப்புவதாக பொலிஸார் தெரிவித்துள்ளனர். சமூக ஊடகங்களில் பரவி வரும் படங்கள் சிறையின் பெவிலியன்ஸ் 9 மற்றும் 10 ல் உள்ள டஜன் கணக்கான உடல்களையும் போர்க்களங்கள் போன்ற காட்சிகளையும் காட்டின. துப்பாக்கி, கத்தி மற்றும் வெடிகுண்டுகளுடன் சண்டை நடந்ததாக அதிகாரிகள் தெரிவித்தனர்.
