மீண்டும் யாழ் – சென்னை விமான சேவை – எதிா்பாா்க்கப்படும் பொருளாதார நலன்கள்

0 பகிரதன்

நீண்டகால இழுபறிகளுக்குப் பின்னா் யாழ்ப்பாணத்துக்கும் சென்னைக்கும் இடையிலான விமான சேவை கடந்த திங்கட்கிழமை (12-12-2022) மீண்டும் ஆரம்பிக்கப்பட்டுள்ளது. இதற்காக பலாலி விமான நிலையத்தைத் தயாா்படுத்தும் வேலைகள் கடந்த சில வாரங்களாகவே இடம்பெற்றுவந்தது.

காலந்தாழ்த்தப்பட்ட நிலையில், இப்போது பலாலி விமான நிலையம் போக்குவரத்துக்காகத் திறக்கப்பட்டிருக்கின்றது. இறுதி வரையில் விமானம் வருமா என்பதே கேள்விக்குறியாக இருந்த நிலையில், விமான சேவைகள் மீண்டும் ஆரம்பிக்கப்பட்டிருப்பது முக்கியமான ஒரு திருப்பம்தான்.

தமிழ் மக்களைப் பொறுத்தவரையில் மகிழ்ச்சிக்குரிய ஒன்று என்பதுடன், இந்தியாவுக்கும் – யாழ்ப்பாணத்துக்கும் இடையிலான நேரடியான ஒரு இணைப்பை இது ஏற்படுத்தியிருக்கின்றது.

சுமாா் மூன்று தசாப்தங்களாக மூடப்பட்டிருந்த பின்னா் 2019 இல் புனரமைக்கப்பட்ட பலாலி விமான நிலையத்துக்கு, யாழ்ப்பாணம் சா்வதேச விமான நிலையம் எனப் பெயா் மாற்றப்பட்டது. அதே ஆண்டு நபம்பா் 11 ஆம் திகதி அலையன்ஸ் எயா் என்ற நிறுவனத்தினால் சென்னைக்கும் யாழ்ப்பாணத்துக்கும் இடையிலான விமான சேவை ஆரம்பிக்கப்பட்டது.

இருந்தபோதிலும் சில மாதங்களிலேயே கொரோனா பரவலைக் காரணம் காட்டி 2020 முற்பகுதியில் இந்த விமான சேவை நிறுத்தப்பட்டது.

கொரோனா கட்டுப்படுத்தப்பட்ட நிலையில் சென்னை விமான நிலையத்திலிருந்து வழமையான விமான சேவைகள் கடந்த வருடத்திலேயே ஆரம்பிக்கப்பட்டன. இருந்த போதிலும் சென்னை – யாழ்ப்பாணம் விமான சேவை மட்டும் ஆரம்பிக்கப்படவில்லை. இந்த சேவையை மீண்டும் ஆரம்பிக்க வேண்டும் என்று பல்வேறு தரப்புக்களிலிருந்து கோரிக்கைகள் விடுக்கப்பட்டபோதிலும், இலங்கை அரசாங்கம் பல்வேறு காரணங்களைக் காட்டி அதனைத் தட்டிக்கழித்துவந்தது.

இந்தியாவின் அழுத்தம்

பலாலி விமான நிலையத்தை மீண்டும் திறப்பதன் மூலம் இந்தியப் பயணிகளை அதிகளவுக்குக் கொண்டுவர முடியும் என்பதும், அந்நியச் செலாவணியை அதிகளவுக்குக் கொண்டுவரக்கூடியதாக இருக்கும் என்பதும் சுட்டிக்காட்டப்பட்டிருந்தது.

இதனை மீள ஆரம்பிப்பதற்கு திகதிகள் குறிப்பிடப்பட்டிருந்த போதிலும், ஓடு பாதை போதுமானதாக இல்லை என்பது உட்பட பல்வேறு காரணங்கள் இலங்கை அரசாங்கத்தினால் தெரிவிக்கப்பட்டு இறுதி வேளையில் அவை ரத்துச் செய்யப்பட்டிருந்தன.

இந்தப் பின்னணியில் இந்தியாவின் கடுமையான அழுத்தம் காரணமாகவே இப்போது இந்த சேவையை மீள ஆரம்பிப்பதற்கு இலங்கை இணங்கியதாகத் தெரிகின்றது. இதனையடுத்தே சுமாா் இரண்டரை வருடங்களின் பின்னா் அலையன்ஸ் எயா் விமான நிறுனம் சென்னை – யாழ்ப்பாணம் விமான சேவையை ஆரம்பித்திருக்கின்றது.

வாரத்துக்கு மூன்று நாட்கள் இந்த சேவை இடம்பெறும் என முன்னா் அறிவிக்கப்பட்டிருந்த போதிலும், இது இப்போது நான்கு நாட்களாக அதிகரிக்கப்பட்டிருக்கின்றது. இது உல்லாசப் பயணிகளுக்கும், திருத்தல யாத்திரையை மேற்கொள்பவா்களுக்கும் மிகுந்த மகிழ்ச்சியைக் கொடுத்திருக்கின்றது.

குறிப்பாக தற்போது ஐயப்பன் வழிபாட்டுக்காக பெருந்தொகையான பக்தா்கள் சென்னை ஊடாக சபரிமலைக்குச் செல்வதற்கு முற்பட்டிருப்பதையும் காணமுடிகின்றது.

சிறிய ரக விமானம்

சென்னைக்கும் – யாழ்ப்பாணத்துக்கும் இடையில் அலையன்ஸ் எயா் நிறுவனம் ஏ.டி.ஆா். என்ற சிறிய ரக விமானத்தையே தற்போது சேவையில் ஈடுபடுத்தியிருக்கின்றது. இதில் 64 ஆசனங்கள் மட்டுமே உள்ளன. முதலாவது நாளான கடந்த திங்கட்கிழமை பயணிகளுக்கு விரிவான அறிவிப்பு வெளியிடப்டதமையாலும், பிரயாண முகவா்களுக்கும் இறுதி நாட்களிலேயே அறிவித்தல்கள் கொடுக்கப்பட்டமையாலும் பன்னிரெண்டு பயணிகள் மட்டுமே சென்னையிலிருந்து யாழ்ப்பாணம் வந்ததாகத் தெரிகின்றது.

இருந்த போதிலும் எதிா்காலத்தில் இந்த எண்ணிக்கை அதிகரிக்கும் என யாழ்ப்பாணத்திலுள்ள பயண முகவா் ஒருவா் தெரிவித்தாா்.

இந்தியாவிலிருந்து யாழ்ப்பாணத்துக்கு வரக்கூடிய உல்லாசப் பயணிகள் மற்றும் யாத்திரிகா்களைக் கவா்வதற்கும், அவா்களுக்கான அடிப்படை வசதிகளைச் செய்துகொடுப்பதற்கும் வடக்கில் உள்ள சில ஹொட்டல்களும், பிரயாண முகவா்களும் விரிவான ஏற்பாடுகளை இறுதி நேரத்தில்தான் செய்துகொண்டிருப்பதையும் காணக்கூடியதாகவுள்ளது.

யாழ்ப்பாணத்தில் நல்லுா், நயினாதீவு, மன்னாரில் திருக்கோதீஸ்வரம், திருமலையில் திருக்கோணேஸ்வரம் போன்ற கோவில்கள் தமிழகத்திலுள்ள உறவுகளுக்கு நன்கு பரீட்சயமானது. பிரபலமானது. அவா்கள் வாழ்நாளில் ஒரு தடவையாவது அங்கு செல்ல வேண்டும் என்ற விருப்பத்தைக் கொண்டிருப்பவா்கள்.

யாழ்ப்பாணத்திலிருந்து இந்தத் திருத்தலங்களுக்கு இலகுவாகச் செல்ல முடியும் என்பதால், இது தொடா்பில் யாழ்ப்பாணத்திலுள்ள ஹொட்டல் உரிமையாளா்கள் சிலா், சென்னையிலுள்ள பிரயாண முகவா்களுடன் ஆலோசனைகளை நடத்தியிருப்பதாகவும் அறியக்கூடியதாகவுள்ளது. சென்னையிலுள்ள பிரபல பிரயாண முகவா் நிலையமான மதுரா ட்ரவல்ஸ் போன்றன இவ்விடயத்தில் அக்கறை காட்டி செயற்படத் தொடங்கிருக்கின்றன.

யாழ்ப்பாணத்திலிருந்து சென்னை சென்று யாழ்ப்பாணம் திரும்புவதற்கான பயணக் கட்டணமாக சுமாா் 60 ஆயிரம் (இலங்கை) ரூபா அறவிடப்படுவதாக யாழ். நகரிலுள்ள பிரபல பிரயாண முகவா் அலுவலகத்தில் தெரிவிக்கப்பட்டது. அதனைவிட பயணி ஒருவா் 20 கிலோ எடையுள்ள பொதியையும், ஐந்து கிலோ கைப்பையை மட்டுமே கொண்டு செல்ல முடியும்.

யாழ் – சென்னை சேவையில் ஈடுபடுத்தப்பட்டிருப்பது சிறிய ரக விமானமாக இருப்பதால் பொதிகளைக் கொண்டுசெல்வதில் இந்தக் கட்டுப்பாடு விதிக்கப்பட்டிருக்கின்றது. எதிா்காலத்தில் இந்த நிலை மாற்றப்பட்டு அதிகளவு பொருட்களைக் கொண்டுசெல்லக் கூடிய நிலை ஏற்படுத்தப்படலாம்.

இணைப்பு பஸ் சேவை

யாழ்ப்பாணம் சர்வதேச விமான நிலையம் மீளவும் சேவைகளை ஆரம்பித்துள்ள நிலையில் யாழ். நகரிலிருந்து பலாலி விமான நிலையத்துக்கு பஸ் போக்குவரத்து சேவையும் ஆரம்பிக்கப்பட்டுள்ளதாகத் தெரிவிக்கப்பட்டுள்ளது. இ.போ.ச. இந்த சேவையை பயணிகளின் நலன் கருதி ஆரம்பிக்கின்றது.

திங்கள், செவ்வாய், வியாழன் மற்றும் சனி ஆகிய தினங்களில் சென்னை விமான நிலையத்திலிருந்து புறப்படும் விமானம், முற்பகல் 10.50 மணிக்கு பலாலி விமான நிலையத்தை வந்தடையும். பின்னர் பலாலி விமான நிலையத்திலிருந்து, 11.50 மணிக்கு சென்னை நோக்கிப் புறப்படும்.

இந்த விமான சேவை பயணிகளுக்காகவே இந்த சேவை ஆரம்பிக்கப்பட்டுள்ளது. யாழ். நகர் புதிய பேருந்து நிலையத்திலிருந்து திங்கள், செவ்வாய், வியாழன் மற்றும் சனி ஆகிய தினங்களில் காலை 8.00 மணிக்கு பலாலி விமான நிலையம் நோக்கி பேருந்து சேவை இடம்பெறும்.

அதேபோன்று நண்பகல் 12 மணிக்கு பலாலி விமான நிலையத்திலிருந்து யாழ்.நகர் நோக்கி பேருந்து சேவை இடம்பெறும். தேவை ஏற்படின் ரயில் நிலையம் வரையிலும் சேவை மேற்கொள்ளப்படும் எனவும் தெரிவிக்கப்பட்டுள்ளது.

இவ்வாறு பயணிக்கும் பயணிகளுக்கான ஒரு வழிக் கட்டணமாக 500 ரூபா அறவிடப்படும். மேலும் பயணப் பொதி ஒன்றுக்கு 200 ரூபா அறவிடப்படும். இது தொடர்பான மேலதிக விபரங்களுக்கு யாழ்.மாவட்ட பேருந்து நிலைய பொறுப்பதிகாரியை 076 5378432 என்ற எண்களில் தொடர்புகொள்ள முடியும் என வட மாகாண வீதிப் போக்குவரத்து அதிகார சபைத் தலைவர் அறிவித்துள்ளார்.

இதேவேளையில் யாழ். நகரப் பகுதியிலிருந்து பலாலிக்கு தனியாா் வான்களும் சேவையில் ஈடுபடுத்தப்படவுள்ளன. வான் ஒன்றை வாடகைக்கு அமா்த்துவதாயின் பத்தாயிரம் ரூபா அதற்காக அறவிடப்படும் என வாகன உரிமையாளா் ஒருவா் தெரிவித்தாா். இருந்தபோதிலும் இந்தத் தொகை டீசல் விலையைப் பொறுத்து குறைவடையலாம்.

கட்டுநாயக்க விமான நிலையத்தில் வந்து இறங்குபவா்கள் அங்கிருந்து யாழ்ப்பாணம் வருவதற்கு வான் ஒன்றிற்கு சுமாா் அறுபதாயிரம் ரூபாவரையில் கட்டணமாகச் செலுத்த வேண்டியிருப்பதுடன், சுமாா் ஏழு மணி நேரத்தையும் செலவிட வேண்டும். அதனுடன் ஒப்பிடும் போது யாழ்ப்பாணத்தில் வந்திறங்குவது நேரத்தையும், பணத்தையும் மிச்சம்பிடிப்பதாகவும் பாதுகாப்பானதாகவும் இருக்கும் எனச் சுட்டிக்காட்டப்படுகின்றது.

புலம்பெயா்ந்த தமிழா்கள் கூட சென்னை வந்து யாழ். வருவதை விரும்புவாா்கள் என எதிா்பாா்க்கப்படுகின்றது. இதன் மூலம் யாழ்ப்பாணத்தின் பொருளாதாரம் எந்தளவுக்கு வளா்ச்சியடையும் என்பதைப் பொறுத்திருந்துதான் பாா்க்க வேண்டும். மற்றொரு வாரத்தில் அது தொடா்பாக நாமும் விரிவாக ஆராய்வதற்கு முற்படுவோம்.